- 59 -

1295, Januar 17. Glatz.

Conradus dictus de Reno castellanus in Glaz berichtigt die Klostergrenzen nach der am 5. December 1294 erfolgten Begrenzung.

In nomine domini amen. Ego Conradus dictus de Reno castellanus existens in Glaz fideliter protestando scire cupio universos, ad quorum audienciam presens pagina defertur, quod, cum super limitatione ac distinctione metarum et terminorum religiosorum virorum fratrum monasterii de Camencz, quos et quas in bonis suis ad diocesim Glazcensem habent et habere dinoscuntur, mandatum serenissimi domini mei Wenceslai regis Bohemie quam pluries recepissem, tandem opportunitate temporis ad faciendam ipsam limitationem congrua persuadente, videlicet anno domini millesimo ducentesimo nonagesimo quarto proximo die dominico infra Octavas beati Andree apostoli, assumptis militibus ac senioribus dicte Glacensis provincie incolis, accessi prope aditus predictarum metarum ex parte una dominoque Alberto ibidem constituto cum suis fratribus ex parte altera. Deliberatione diligenti prehabita super huiusmodi negocio decidendo, utriusque partis et provincie homines, per me super earundem metarum veritate dicenda sub atestatione divini examinis et per sacramentum sue fidei requisiti, de bono consilio nec non maturo discretionis moderamine mediante in suas consciencias publice sunt professi, quod quocunque versum aque pluviales et nivales vel eciam originales fontium meatus et erupciones de moncium verticibus ac locis eminencioribus predicte Glazcensis provincio se ad bona predictorum fratrum inclinant defluendo vel eciam decurrendo, ibi memoratos fratres de Camencz predictarum metarum suarum debere sortem omnino debitam et hereditariam invariabiliter obtinere. Cuius rei veritate taliter ad plenum cognita et indubitabiliter intellecta, dominoque regi super hac relatione denuo per me facta, de mandato ipsius iterato in plenariam ius dictionem et corporalem predictarum metarum possessionem fratres posui supra dictos, faciens super hoc ad perpetuam rei memoriam in die forensi publicationem et proclamationem fieri generalem et hoc in civitate Glacensi coram populo universo et eciam coram testibus hic nominatim et specialiter subnotatis: videlicet domino Wasmudo commendatore, Conrado de Mussin, Hermanno de Berynge conrado filio castellani, Tammone de Scezssowe, Theoderico de Teynicz, Gunthero de Bebra, Friderico de Reno militibus, Conrado filio Pezsoldi, Berone, Gramlibo fratre ipsius, civibus et aliis quampluribus hominibus fide dignis. Ceterum ut iidem fratres in suis predictis terminis atque metis secundum deum et iustitiam nec non domini mei regis regalem benificenciam limitatis circumferentialiter, ut premittitur, et distinctis tranquilla pacis ac honoris securitate sempiterno tempore pociantur tamquam veri heredes et legitimi possessores, presentem conscripcionis seriem sigillo meo rationabiliter et ex certa seiencia consignatam eisdem desuper presentandam procuravi, ut ex hoc tam apud presentes quam apud posteros ampliorem vigorem in negocio huiusmodi semper habeant et tutelam. Facta est conscripcio publicacio, proclamacio, protestacio in die beati Antonii confessoris, feria secunda die fori anno domini M°. CC°. nonagesimo V°. coram omnibus hominibus et testibus supra scriptis.

Or. Perg. Das Siegel ist verloren. Aufschrift auf der Rückseite: Cunradi militis dicti de Reno super metas et terras Glacensis districtus et nostri monasterii, von wohl noch gleichzeitiger Hand. Ueber diesen Konrad de Reno und sein Geschlecht s. m. Dr. Graf Stillfried's Beitr. zur Gesch. des schles. Adels. Berlin 1864. II. S. 74 u. S. 103.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.